تعليقا على ما نشرته جريدة اليوم بتاريخ 1423/11/4هـ حول مجلس الشورى أبوعثمان: مجلس الشورى يبي يخفف الدين العام إلى 60% بعد عشر سنوات أبوعباس: طبعا وبعد حسب البرنامج المنظم أبو عرام: لا تعليق ياأخوان.. بس اللي عايز أفهمه مثل ها الخبر الهام جدا.. لازم نسمع أكثر في التلفزيون والجرايد.. ليش خبر عنوانه أكبر من موضوعه. وبعدين ايش معنى 60% وايش معنى 10 سنوات وايش معنى.. أكد وايش معنى برنامج.. وايش معنى الناتج المحلي.. وايش معنى ربط الميزانية.. وايش معنى مشاركة القطاع الأهلي.. وايش أولويات الخطة السابعة. أبوعثمان: ياطول لسانك.. وش تبي ازين من هالكلام. بو عباس: ريت أنهم قالوه قبل عدة سنوات.. الآن الرزق على باب الله.. والله يستر الحال طيب.. والزبدة. أبو عرام: انا اقترح ما دام هادي الحالي ان المجلس يعطى تفصيل لبرنامجه حتى ان الناس يتفهموا ويستعدوا. أبوعثمان: وأنا أقترح ان المالية ايضا تعد برنامج وتشرحه للناس وهنا والحمد لله أمة واحدة ويهمنا ما يهم مجلسنا وحكومتنا.. والنعمة اللي حنا فيها نبي نحافظ عليها.. والله لا يغير علينا ويعين دولتنا ويسدد خطاها. أبوعباس: بلدنا بخير ويكفي هالشركات الأجنبية.. جات تستثمر في بلادنا.. وهادا دليل خير وأمان ويا ما لنا من الخير.. بس علينا الصبر.. قاطع ابو عرام وقال: والله ياجماعة كل الاستفسارات اللي سألتها.. لأجل المحبة والتعاون بين المواطن ومجلس الشورى ومش عايز مجلس الشورى يزعل علينا وهادي بوسة على رأس مجلس الشورى.