فذلكة شعراء آخر موضة

الأحد 16 ذو القعدة 1423هـ 19-1-2003م

الصحيفة : اليوم

تعليقاً على صفحات الشعر والشعراء في جريدتنا. أبو عرام : ماني عارف اية الحكاية هو لا زم كل صباح نقرأ القصايد المعصمة .. الواحد يصير في رأسه بيتين وعلى طول ينشرها في الجريدة والجريدة على طول تنشرها . أبو عثمان: قصايد اليوم صارت مثل اللي يسمونه فديو كلب .. لازم الجريدة تحط جنب القصيدة عيون مسلهبة والا جدايل بنت 17، وابتسامة شفتين تذوب مثل أبو عباس وأبو عرام . أبو عباس: طبعاً القلب أخضر وياليت من يرجع خمسين سنة .. عموماً أنا ما اقرأ القصايد وحتى أفهم أيش يقولون والجرايد ما نلومها هم عندهم برنامج اذواق القراء ولازم يحطون ما يناسب القراء المهم إن شاء الله ما تكون كل صفحات الجرايد من هاذي القصايد المهلهلة . أبو عرام : أنا أقترح انشاء جمعية للشعر العربي والنبطي وهاذي الجمعية بإذن الله سوف تجمع جميع أنواع القصايد في بلادنا الغالية لأن كل بلد لها لون من القصايد .. وبعدين بيكون عندنا معلومات كاملة وواضحة للشعراء وقصايدهم. أبو عباس: هاذي مهمة النوادي الأدبية لكن النوادي يراد لها تصحيح أوضاع وزيادة في العمل والتخصص. أبو عثمان: يا جماعة ترى ما يصح إلا الصحيح وأنا أقترح على الجرايد والنوادي الأدبية والملتقيات الأهلية ورعاية الشباب أن تضع كل سنة مسابقة لأجمل قصيدة سواء في أمور الدين أو الامور الأنسانية وخدمة البلاد وأنا مستعد أتبرع بمبلغ عشرة آلاف ريال إذا أن جريدة "اليوم" عملت هالفكرة ودرست القصايد المعروضة عندها طوال السنة واختارت أحسن قصيدة في مدح الضب.

guest

0 تعليقات
Inline Feedbacks
View all comments