تعليقا على ما نشرته جريدة الجزيرة 1423/11/2. أبو عرام: ايش عندكم من اخبار تنفع؟ ابو عثمان: يبون يقابلون وزير المعارف في مجلس الشورى، وينشدونه عن التعليم.. يا حلالاة منهو يحضر ويسمع كل ما يقال. ابو عباس: انته لا تهش ولا تنش ما عندك الا الخراط. انا لو يسمحون لي قلت اولا ليش ما تذاع هاذي المقابلة على الهواء مباشرة.. مادام ان الموضوع يهم التعليم والمادة التعليمية هي اولادنا وايضا بناتنا بعد ما ضموا البنات على الاولاد. والمعارف ومجلس الشورى كلها من اجلنا واجل عيالنا طبعا لازم نسمع ونعلق على كل حاجة. ابو عرام: يا ناس يا هوه.. كفاية كلام الليل.. الحمد لله فيه مجلس الشورى وهم ناس "فاهمين وقادرين" وهما كمان يمثلونا وعندهم اولاد وعندهم بنات ومشاكلنا مشتركة.. وبكرة والا بعده حتشوفوا النتيجة في الجرايد. ابو عثمان: الجرايد وبس.. هو كلن يقرأ الجرايد.. على العموم النتيجة معروفة.. ولو هنا جديد ماذخرت المعارف وهم حسب علمي مجتهدين.. والنصيب على الله واعطونا المفيد وانا اقترح ان الامور التي يتم نقاشها يوضع لها توصيات من المجلس وتنشر على الناس وما فيه باس ان المجلس يطلب آراء الناس وترسل له ويدرسها. ابو عباس: انا اقترح ان المقابلات اللي تهم الناس تذاع بالتليفزيون والجميع يشارك فيها.. وليس بالضرورة ان تكون على الهواء مباشرة. ابو عرام: انا اقترح ان مجلس الشورى قبل اية مقابلة ينشر في الجرايد والتليفزيون والاذاعة موضوع المقابلة ويعطي فرصة للناس يكتبوا للمجلس او يتصلوا فيه ويعطوه اراءهم مع ما يتم مناقشته مع اعضاء مجلس الشورى. وبعدين يخرجوا بتوصيات تنشر على الناس لانه لازم فيه تفاعل وتقدير لمنجزات المجلس.. اما مسألة اجتمع المجلس ونظر في الامور المدرجة على جدول الجلسة واتخذ حيالها القرارات المناسبة هاذي عبارة (طفشنا منها)!؟؟.