تعليقا على ما نشرته جريدة اليوم في 26/10/1423هـ بخصوص السكة الحديد ابو عثمان: كلام طيب ويشكرون عليه وحتى لو اخذنا خبرات الاجانب، ياحلاوة هالكلام جاي مبطي ولكن مثل ما قال المثل الصيفي يلحق البكور. ابو عرام: ايش تقول انت وين اولاد الحارة وين الناس وين التجار.. حاجة بسيطة سكة حديد وعربات مانستطيع نعملها.. اتركونا من حانا مانا، ابو عباس: الحقيقة انكم تبطون الجبر.. بالعكس اللي كتبته الجريدة هو الصحيح، وما يمنع التزاوج (أقصد الاختلاط) اقصد تبادل الخبرات، والدنيا كلها عطني واعطيك. وان شاء الله المستقبل تكون عندنا الخبرة اللي تطلبها وزارة المواصلات. لكن شرهتنا على المواصلات وين كبار المقاولين اللي استطاعوا ان ينفذوا اكبر الكباري واحسن الخطوط السريعة بمليارات الريالات هل معقول ما عندهم قدرة على السكة الحديد.. عموما هم ابخص. ابو عثمان: انا اقترح على المواصلات دعوة المقاولين السعوديين للتأهيل وان شاء الله سوف يجدون ما يسرهم. أبو عباس: انا اؤيد الاستفادة من خبرات الاجانب وياما لنا من الخير في المستقبل. أبو عرام: أنا يا ابويا لاهادا ولاهادا… أنا اقترح دعوة مقاولين سعوديين وهما بطريقتهم الخاصة يدعون اللي هما عايزينه من الاجانب. وبعدين يقدموا عروضهم للوزارة المهم تترك للمستثمرين وكما قيل.. الاحدب يعرف كيف ينام وربنا يجيب الخير للجميع.